BAGONG POSISYON? | Sen. Gringo Honasan, posibleng maging susunod na DICT Secretary

1 week ago

“I will neither confirm or deny,” ang sagot ni Sen. Gringo Honasan sa balitang siya raw ang susunod na itatalaga ng Palasyo bilang kalihim ng Department of Information and Communications Technology (DICT).

sen-honasan-2-640x360

Ayon sa senador, mayroon pa siyang termino sa Senado na dapat tapusin.

Muling nahalal bilang senador si Honasan noong May 2013 elections at matatapos ang kanyang termino sa Hunyo 2019.

Pero malaman ang sagot niya nang tanungin kung tatanggapin ito kung ialok sa kanya pagkatapos ng kanyang termino.

Giit niya, mahirap daw para sa kanya na tumanggi sakaling mayroon siyang matanggap na tawag ng paglilingkod sa bayan.

“We will cross the bridge when we get there,” ani Honasan.

Kasalukuyang bakante ang posiyon bilang kahilim ng ahensya matapos magbitiw sa puwesto si Rodolfo Salalima noong Setyembre.

Graft Charges vs. Honasan

Isa si Honasan sa apat na senador na nakasuhan kaugnay ng PDAF scam.

Noong Agosto, kusang loob siyang sumuko matapos ipag-utos ng Sandiganbayan ang pag-aresto sa kanya kaugnay ng maanomalyang paggamit nito ng halos P30 milyong pork barrel noong 2012.

(READ: PANSAMANTALANG KALAYAAN | Sen. Honasan, sumuko sa pulisya at nagpiyansa sa kasong graft)

dsc_0026-640x427

sen-honasan-1-640x360

Agad din siyang binigyan ng release order matapos mag-piyansa.

Una nang humarap sa kasong plunder at graft kaugnay ng PDAF scam sina dating Senator Ramon “Bong” Revilla, Jr., Jinggoy Estrada at Juan Ponce Enrile.