ZERO BUDGET FOR CHR | Sen. Hontiveros: to cut to zero the CHR’s 2018 budget is unconstitutional

1 month ago

MANILA, Philippines – Hindi man pwedeng i-abolish ang Commission on Human Rights (CHR), mas mabuting huwag na lang daw ito bigyan ng budget.  ‘Yan ang pahayag ni House Speaker Pantaleon Alvarez.

“Hindi natin ia-abolish kasi constitutional budget e ‘di wag mong bigyan ng budget yan. Dahil nga hindi naman fair eh. Hindi nila ginagampanan yung trabaho nila para protektahan yung karapatang pantao-para sa lahat ng tao, sa lahat ng Pilipino dito sa ating bansa,” sabi ni Alvarez.

alvarez

Para kay Alvarez, ang CHR ay “ang pino-focus lang ay yung mga karapatan ng criminal at tipong wala silang pakialam dun sa karapatan nung mga biktima nitong mga criminal na ito.”

Madalas daw naoobserbahan ng kongresista na tuwing may masaker na ginagawa ang mga criminal o mga drug addict ay tahimik lang sila.  Kapag namang mayroong mga insidente ng mga namatay at mayroon silang pagdududa na ito ay extra-judicial killing ay doon sila nag-iingay.   “Akala ko ba ‘yung human rights ay para sa lahat. Ay bakit namimili sila ng pinoprotektahan at inaalagaan na karapatan,” pagatataka ni Alvarez.

Binatikos naman ni Senator Risa Hontiveros ang panukalang ito ng ilang mambabatas.

“The plan by some legislators to cut to zero the Commission on Human Rights’ 2018 budget is unconstitutional. The CHR, like other constitutional commissions, such as the Office of the Ombudsman, and the judiciary, enjoys fiscal autonomy. It cannot be defunded,” sabi ni Hontiveros.

risa3

Pinaalala rin niyang ang pangunahing mandato ng CHR ay siguruhin na walang pag-abuso o kapabayaan sa parte ng gobyerno na protektahan ang karapatan ng lahat ng mamamayan lalo na ang mga kapos-palad.

“Giving the CHR a zero budget will send signals to the national and international communities that the Duterte government is not committed to the principles and promotion of human rights. It elevates to the level of policy the government’s disdain for human rights,” dagdag ni Hontiveros.

Nauna nang nabanggit ni President Rodrigo Duterte sa kanyang ikalawang State of the Nation Address (SONA) na i-abolish na ang CHR.  Ang hakbang na ito, magagawa lang kung papalitan ang probisyon na nagtatalaga nito sa 1987 Constitution.

Halagang P749 million ang kasalukuyang budget ng CHR ngayong taon.  Ang iminungkahing pondo ng Department of Budget Management para sa CHR sa taong 2018 P678 million.  Malayong-malayo kumpara sa halagang hiniling mismo ng CHR na P1.723 billion.  Gayunpaman, anuman daw ang halagang ibibigay sa Commission ay makikiusap si CHR Chairperson Chito Gasco sa Kongreso pakinggan ang kanilang hiling.

chr1

© 2017 TV5 NETWORK INC. ALL RIGHTS RESERVED.