By TV5 Digital
Bubbles’ (Ivana Alawi) relationship with Tanggol (Coco Martin) started inside the correctional, where they met while serving their sentences. Through failed missions, assault attempts, and prison riots, the former partners as gun-for-hires eventually found support and friendship in each other, after learning about their pasts and life stories. Now, that they have both been pardoned, will their new lease on life include finding love in each other’s arms?
WATCH: FPJ’s Batang Quiapo | Bubbles manifesting Tanggol
Una silang naging magkatrabaho bilang hitman ni Chief Espinas, played by the late Jaclyn Jose, para patumbahin ang grupong Red Phoenix. Pero sa kasamaang-palad, hindi nila ito napagtagumpayan at humantong pa sa kanilang pagiging pugante.
Habang nasa labas sila bilang mga pugante, pansamantala silang tumira sa isang resort kung saan walang nakakakilala sa kanila. Nagpanggap silang mag-jowa kaya naman kinailangan nilang umarte na parang totoong magkasintahan. Dito nagsimulang ma-develop ang feelings ni Bubbles kay Tanggol. Dumating pa sa puntong napapanaginipan n’ya na ito na ginagawa nila ang mga sweet moments na kadalasang ginagawa lang ng mga totoong magkarelasyon.
WATCH: Napanaginipan ni Bubbles si Tanggol
Pero ang puso ni Tanggol, si Mokang pa rin ang itinitibok. Nagkaroon ng pagkakataon si Tanggol na hanapin at harapin si Mokang, pero naabutan n’ya ito in a very bad state, kaya naman sinubukan niya itong itakas mula sa malupit na asawa nitong si Ramon/Alberto.
Dito umusbong ang pagseselos ni Bubbles sa relasyon nina Tanggol at Mokang. Dito n’ya rin na-realize na nahuhulog na nga talaga ang loob niya kay Tanggol kahit na pilit pa rin niya itong itinatanggi.
WATCH: Unti-unting nahuhulog si Bubbles kay tanggol
Sa kasamaang-palad, napatay si Mokang, at kinailangan na nilang bumalik sa loob ng koreksyonal. Nilalamon noon ng galit at kalungkutan si Tanggol, pero si Bubbles ay nanatiling mabuting kaibigan. Hindi niya sinukuan si Tanggol, at araw-araw niyang binibigyan ng pag-asa at motivation para mamuhay muli nang normal at masaya dahil siguradong ‘yun rin naman ang gusto ni Mokang para sa kanya. Dito mas tumibay ang pagkakaibigan ng dalawa.
WATCH: Masinsinang usapan ni Bubbles at Tanggol
Sa loob naman ng koreksyonal, may mga sumubok na pagsamantalahan si Bubbles, at si Tanggol ang lagi niyang nagiging “knight-in-shining-armor”. Ipinagtanggol niya si Bubbles laban kay Bong noong nagtangka itong saktan at gahasain ang dalaga.
Ngayon, nabigyan na ng bagong pag-asa si Bubbles na makalaya mula sa kulungan. At bilang tanda ng kanilang pagkakaibigan, ibinigay ni Bubbles ang kanyang sumbrero kay Tanggol para kung sakaling ito rin ay makalaya, ay maisauli niya ito ulit sa kanya, at magkaroon ng dahilan para muli silang magkita sa labas ng kulungan.
WATCH: Paglaya ni Bubbles mula sa koreksyonal
Nailaban naman sa patas na paraan ni Tanggol ang kanyang kaso. At sa tulong ni Marcelo, nakalaya siya at muling nakabalik sa Quiapo. Dahil hindi naman siya welcome sa bahay ng kanyang tatay na si Rigor, sinikap niyang hanapin si Bubbles sa Sta. Cruz, Maynila. Laking gulat ni Bubbles nang makita n’ya si Tanggol, kaya naman inakala pa n’yang tumakas lang ito. Ngiting tagumpay naman siya dahil finally, magkakasama na sila nang malaya at matiwasay ni Tanggol. Iyon nga lang, bilang magkaibigan pa rin.
WATCH: Hindi welcome sa bahay ni Rigor si Tanggol matapos makalaya
Parehong namamasukan ngayon sina Bubbles at Tanggol sa bar ni Boss B, at magkasabay na sumusubok bumangong muli sa buhay. Naunang pumasok sa bar si Bubbles bilang waitress, sa tulong na rin ng kanyang bagong kaibigan na si Jelly. Agad-agad na natanggap si Bubbles dahil sa angkin niyang ganda, na talaga namang dahil dito ay nahumaling rin ang may-ari ng bar na si Boss B!
Di rin nagtagal, nabigyan ng panibagong tsansa sa buhay si Tanggol. Kaya naman nang makalaya siya, agad siyang bumalik sa Quiapo para magpasalamat sa Nazareno. Pagkatapos ay dumiretso siya sa kanilang bahay. Unfortunately, si David ang naabutan niya. Kaya imbes na ‘WELCOME HOME’ ang isalubong sa kanya, suntok at pang-aalipusta lang ang natanggap nito. Sinamahan pa ng biglang pagdating ng kanilang Tatay Rigor, na hindi rin ikinatuwa ang pag-uwi ni Tanggol sa kanilang bahay.
Wala nang ibang matatakbuhan si Tanggol, pero naalala niya ang sinabi ni Bubbles na dapat magkita sila sa labas ng kulungan. Agad niyang hinanap si Bubbles sa Sta. Cruz, Manila and as expected, tinanggap siya ni Bubbles with open arms. Tinulungan na rin siya ni Bubbles na makahanap ng trabaho, at sinubukan niyang mag-apply kay Boss B bilang janitor. Dahil malakas si Bubbles kay Boss B, tanggap agad-agad si Tanggol!
Hindi malabong tuluyan na silang ma-develop sa isa’t isa, dahil araw-araw nang magkasama si Bubbles at Tanggol. Pero ang mga bagong tao sa paligid nila, umeeksena! Ang kaibigan ni Bubbles na si Jelly, dumidikit na kay Tanggol, habang may kahalong personal na interes pala ang pagiging mabuti ni Boss B kay Bubbles.
WATCH: Paglandi ni Jelly kay Tanggol
WATCH: Boss B, tinamaan kay Bubbles
Ang tanong ng lahat ngayon: Kailan mauuwi sa pagkaka-ibigan ang kanilang pagkakaibigan?
‘Wag nang magpahuli, dahil mapapanood din ang ibang highlights ng FPJ’s Batang Quiapo sa aming YouTube channel! Simply visit Kapatid Online on TV5’s Official YouTube Channel, subscribe and hit that notification bell para updated ka sa mga bagong kaganapan kina Bubbles at Tanggol!
WATCH | FPJ’s Batang Quiapo Highlights
Subaybayan sina Coco Martin at Ivana Alawi as Tanggol and Bubbles sa FPJ’s Batang Quiapo,WEEKNIGHTS, 8:00 PM, sa Todo Max Primetime Singko.
For more TV5 Digital Exclusives, visit our official TV5 Facebook, Instagram, X (Twitter), TikTok, and YouTube accounts!
